KCF gaw KCPC( Kachin Christian Peace Church ) de galai sai.
Tokyo Peace Church npu hta hpawng de nga ai KCF gaw 2008 ning July 13 ya shani hta 16 ning hpring sai hku re. Matut nna KCF gaw TPC n pu kaw sha sasana buga hpung hku nna Jinghpaw Wunpawng Hkristan Simsa Nawku Hpung ( KCPC ) hku nna matut nga mat wa na re. July 13 ya shani na chyeju shakawn hte KCPC de galai shang wa lu ai chyeju shakawn nawku hpawng hta Kanto Ginwang n pu kaw nga ai buga hpung 10 daram na Hpung-up ni hte hpung masha ni mung sa du shang lawm ma ai. Dai shani na nawku hta KCF hpe shawng ning na woi awn galaw hpang ya ai Kaji Kawa Sara Usa Rev. Maran Yaw mung america mungdan kaw nna Sara Jan hte arau sa du shang lawm sai hku re.
Yaw shada lam hku nna gaw, KCPC gaw Japan Baptist Union a n pu hta tara shang buga hpung langai mi lu hpaw hpang wa na re.
KCPC de galai shai wa ai Nawku Hpung hta
Rev. Maran Yaw kaw nna n gun jaw ga tsun nga yang.
Tokyo Peace Church kaw na hpung-up Sara rai nga ai Rev. Makoto Tanno hte garum sara rai nga ai Sara Hasegawa yan gaw Myitkyina kaw galaw lai wa sai KTC Jubili hta anhte ni yawng a malai sadu dung lawm lai wa sai. Sara yan kaw nna buga de nga ai anhte ni a kun dinghku nta masha ni hpe mai byin ai daram wa sa du jahkrum lai wa sai hpe mu lu ai. Sara ni gayet wa ai sumla ni hpe lawu de bang da ga ai.
The United Church of Christ in Japan a n pu kaw gaw de da ai Waseda Church a saw shaga ai a majaw October praw 7 na laban hta, KCF hpung hku nna Waseda Church kaw sa du shang lawm lai wa sai.
Nawku dawjau ten hta Jan Hpauyam Doi Bu kaw nna KCF hpung hte hpung masha ni hku nna Japan mungdan hta shamu shamawt wa ai lam ni hte, JW sha ni a mayak mahkak ni hpe sakse hkam tsun dat lai wa sai.
Nawku ngut ai ten hta mung Fellowship program hku nna Jinghpaw ni a labau hte Jinghpaw ni a lam hpe Slg.Nhkum Zau Mai hku nna Japan hpunau ni hpe tsun dan lai wa sai. Hpung masha ni yawng mung grai myit lawm ai hte matut nna mung KCF hte matut mahkai kanawm mazum ai lam ni hpe galaw mat wa na re.
Jinghpaw mahkawn mahkawn dan nga yang(n tsa1) hte Jan Hpauyam Doi Bu sakse hkam nga yang(ntsa2 )
